Mən Tehranın Parovoz stansiyası məhəlləsində, Səffari prospekti ilə Xorasan prospektinin arasındakı Boyaqçılar küçəsində dünyaya gəlmişəm. Atam Seyid Əbuturab Kazimi Təbatəbai Məxmərpapaqlılar tayfasındandır. O, cavanlığını İsfahanın yaxınlığında yerləşən Zəvvarə şəhərində keçirmiş, bütün qohumları əkinçi olmuşdu. Zəvvarə əhalisinin çoxu seyid idi. Eşitdiyimə görə, atam Zəvvarədə və ətraf bölgələrdə mərhəməti, əliaçıqlığı ilə tanınırmış. O, dindar, səxavətli və qonaqpərvər adam olmuş, süfrəsi dəvətli-dəvətsiz hər kəsə açıq olmuşdu.